Oft gestallte Froen


Allgemeng Froen

  • Kann eng Persoun Dimmi op méi Geräter notzen?
  • Jo, et muss een sech just mat der selwechter Email-Adress aloggen. Et ass net néideg ee neie QR-Codes ze scannen
  • Ech hu mech registréiert, awer keng Email mat dem Bestätegungslink kritt.
  • Préift w.e.g., ob sech d'Email eventuell an Ärem Spam-Dossier befënnt, oder ob Dir Iech bei der Registréierung net an der Email-Adress vertippt hutt.
  • Wéini komme nei Funktiounen?
  • Dimmi gëtt lafend weider entwéckelt. Nächst Funktiounen déi geplangt sinn: Méi Biller oder Dokumenter gläichzäiteg un ee Gruppepost hänken. Nei Gespréicher direkt an der Rubrik Noriichte starten, ouni dass een op de Gruppeschierm goe muss. Message just tëscht de Grupperesponsabelen.

Froe spezifesch fir Elteren

  • Wéi laang si d'QR-Codes gülteg?
  • 2 Méint. De geneeë Oflafdatum befënnt sech ënnert dem QR-Code.
  • Kënnen sech béid Elteren mat dem selwechten QR-Code authentifizéieren?
  • Jo. Si kënnen sech mat ënnerschiddlechen Email-Adressen App-Konten uleeën, awer de selwechte QR-Code scannen.
  • Kënnen aner Familljememberen (z.B. d'Boma), aner Erzéiungsberechtegt oder eng Dagesmamm de QR-Code scannen?
  • Jo, mee opgepasst: Dimmi erlabt ett d'"Elteren" vun engem eenzele Schüler/Kand unzeschreiwen. Déi Norrichten kéinten perséinlech Informatiounen enthalen déi net fir jidderee geduecht aus dem Persounekrees sinn (mol net an der Famill)
  • Kënnen Elteren méi Kanner androen?
  • Jo. Pro Kand erhält een ee QR-Code. Noriichten kënnen no der Klass oder Grupp/dem Kand gefiltert ginn. Bei der éischter Umeldung gëtt automatesch den "Authentifizéieren"-Schierm ugewisen, spéider kann dësen iwwer den "Authentifizéieren"-Punkt am Menü opgeruff ginn.

Froe spezifesch fir d'Léierpersonal

  • Kënnen sech an enger Klass (z.B.: Team-Teaching) méi Enseignanten fir d'Klass registréieren?
  • Jo. Jiddereen kann an der Grupp Noriichten verschécken, an erhält och d'Noriichten vun de Kolleegen/Kolleeginnen. Zu dësem Zweck mussen op der Schoul-Websäit all d'Enseignanten als Verantwortlech vun der Grupp agedroe sinn, an all Enseignant muss sech dann eenzel aloggen a säi Code ascannen. (W.e.g. net de QR Code vun engem Kolleeg/enger Kolleegin scannen, well soss d'Noriichten ënnert engem falsche Numm verschéckt ginn.)
  • Kënnen och zousätzlech Léierkräften, déi eenzel Stonnen an der Klass hunn (z.B. Förderunterricht, "Surnuméraires", …) Dimmi mat notzen?
  • Theoretesch jo. Si missten allerdéngs an all Klass eenzel agedroen ginn (als normale Member fir Noriichten ze Empfänken, oder als Instrukter fir Noriichten ze verschécken), a si missten fir all Klass ee QR-Code scannen. Si géifen dann fir all Klass all d'Noriichten erhalen …
  • Kann een Enseignant a méi Klassen agedroe sinn?
  • Jo, awer fir all Klass muss ee QR-Code gescannt ginn.
  • Wann een d'QR-Code fir d'Elteren nei generéiert (well z.B. ee Schüler bäikoum, iergendeen säi Code verluer huet, …), verléieren déi al Coden dann hir Gültegkeet?
  • Nee
  • Kann eng Noriicht nodréiglech verännert/geläscht ginn?
  • Nee, dëst ass och net als zukünfteg Neierung virgesinn. Am absolutten Noutfall bei EducDesign mellen / . D'Noriicht léisst sech awer nëmmen an der App selwer änneren; d'Notifikatiounen bleiwe bestoen.
  • Wat geschitt beim Wiessel vum Schouljoer?
  • Wéi all Joer ginn op Ärem Schoul-Website d'Schülerkonten aus de Gruppen eraus geholl, a gëllen domat als inaktiv. (Normalerweis gëtt dat Ufanks August gemaach, ausser wann d'Schoul eppes anescht ugefrot huet.) Am Dimmi ginn domatt och d'Konte vun den Elteren innerhalb vun der Grupp inaktiv.
    Och wann den Enseignant déi selwecht Klass behält, muss en um Schoulwebsite d'Kanner hannescht a säi Grupp zéien, an den Elteren d'QR Codes frësch ausdeelen.

Froe spezifesch fir d'SEA-Personal 

  • Kënnen sech fir eng Grupp vu Kanner méi Educatricen/-teurs egistréieren?
  • Jo. Jiddereen kann an der Grupp Noriichten verschécken, an erhält och d'Noriichten vun de Kolleegen/Kolleeginnen. Zu dësem Zweck mussen déi respektiv Educatrice/-teurs als Verantwortlech vun der Grupp agedroe sinn, an all Gruppeverantwortlech muss sech dann eenzel aloggen a säi Code ascannen. (W.e.g. net de QR Code vun engem Kolleeg/enger Kolleegin scannen, well soss d'Noriichten ënnert engem falsche Numm verschéckt ginn.)
  • Kann eng/een Educatrice/-teursa a méi Gruppen agedroe sinn?
  • Jo, awer fir all Grupp muss ee QR-Code gescannt ginn.
  • Wann een d'QR-Code fir d'Elteren nei generéiert (well z.B. e Kand bäikoum, iergendeen säi Code verluer huet, …), verléieren déi al Coden dann hir Gültegkeet?
  • Nee
  • Kann eng Noriicht nodréiglech verännert/geläscht ginn?
  • Nee, dëst ass och net als zukünfteg Neierung virgesinn. Am absolutten Noutfall bei EducDesign mellen / . D'Noriicht léisst sech awer nëmmen an der App selwer änneren; d'Notifikatiounen bleiwe bestoen.

Hutt Dir eng aner Fro? Schéckt se op